"Bul servıs - qajetti shara. Bizdiń elde ınterneti joq nemese jabyny álsiz aımaqtar bar ekenin túsinemiz. Mundaı aımaqtar az emes jáne bizdiń negizgi mindetimiz osyndaı oryndar sanyn barynsha azaıtý. Osy qoldanbaly baǵdarlama bizge jeliniń sapasy, ınternet jyldamdyǵy boıynsha barynsha obektıvti derekter alýǵa jáne aǵymdaǵy jaǵdaıdy jaqsartýǵa múmkindik beredi", – dep túsindirdi Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi vıse-mınıstri Daryn Tuıaqov.
Bailanys.bar geolokasııany bólisýge, ınternetke qosylý jyldamdyǵyn tekserýge jáne ólsheý nátıjelerin kórýge múmkindik beredi. Eldiń eń shalǵaı túkpirleriniń turǵyndary ónimdi paıdalana alady jáne ınternet sapasyna monıtorıng júrgize alady. Servıs braýzerde de, Aitu mobıldi qosymshasy arqyly da qoljetimdi, ony PlayMarket jáne App Store dúkenderinen júkteýge bolady. Qosymshany ázirleýshiler BTS Digital qazaqstandyq sıfrlyq kompanııasynyń mamandary.
"Bizdiń basty mindetimiz – ınternet jyldamdyǵy boıynsha eń tómen óńirlerdi anyqtaý. Derekter neǵurlym kóp jınalsa, jaǵdaıdy túzetý úshin sharalar dálirek bolady. Biz barlyq qazaqstandyqtardy tekserýge qatysýǵa shaqyramyz. Munda kúrdeli eshteńe joq, jelini birneshe ret basý arqyly baqylaýǵa bolady", – dep túsindirdi bailanys.bar servısiniń jetekshisi Vladımır Fıdler.
Bul Qazaqstan tarıhyndaǵy ınternet sapasyna júıeli táýelsiz monıtorıng júrgizýdi uıymdastyrýǵa jasalǵan alǵashqy áreket. Osy ýaqytqa deıin barlyq zertteýler ártúrli zertteýlerdiń biriktirilmegen derekteri negizinde nemese baılanys operatorlarynyń ózderi jasaǵan. bailanys.bar servısi obektıvti derekterdi paıdalanýshylardan tikeleı alýǵa múmkindik beredi.
Servısti ázirleýshilerdiń bastapqy kezeńdegi josparynda - el boıynsha ınternettiń qoljetimdiliginiń jalpy kórinisin qalyptastyrý jáne jaǵdaıdy túzetý boıynsha qadamdardy anyqtaý. Ekinshi kezeńde tikeleı ótinishterdi jiberý fýnksııasyn iske qosý josparlanýda – paıdalanýshylar ınternet jyldamdyǵyna nemese baılanys provaıderiniń jumysyna naqty shaǵym jibere alady. Barlyq ótinishter tikeleı SDIAО́M-de qaralatyn bolady.
